Drejtoria Vendore e Policisë Elbasan ka reaguar në lidhje me parakalimet e gabuara të automjeteve, në kushtet e fushëpamjes së kufizuar dhe në kundërshtim me sinjalizimin rrugor, në dalje të autostradës “Tiranë-Elbasan”.
Në një njoftim publik, uniformat blu bëjnë me dije se kanë vënë masën administrative 3 000 lekë të rinj për secilin automjet.
“Strukturat e Sektorit të Policisë Rrugore të DVP Elbasan kanë kryer verifikimet dhe kanë vënë masën administrative 3 000 lekë të rinj për secilin automjet, bazuar në pikën 15, neni 146, të Kodit Rrugor.
Drejtoria Vendore e Policisë Elbasan fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.”, thuhet në njoftimin e policisë. /abcnews.al
