Seriali mjaft i ndjekur në Shqipëri “La Casa de Papel” duket se ka frymëzuar një grup grabitësish që i kishin vënë syrin një banke të nivelit të dytë në bulevardin “Zogu i Parë” në Tiranë.
Ata kanë gërmuar tunelet përmes kanaleve të ujërave të zeza për të arritur të futen në bankë, por plani i tyre ka dështuar pas ndërhyrjes së forcave të policisë.
Burime bëjnë me dije për gazetaren e ABC Xhensila Kodra se gjatë aksionit të policisë për të zbardhur detaje nga grupi i grabitësve është gjetur edhe një send në dukje armë zjarri që është dërguar për verifikim.
Abcnews.al ka siguruar edhe pamje nga vendi ku është tentuar grabitja e bankës ku tashmë policia po heton për të gjetur prova që të çojnë në zbulimin e grupit të autorëve të dyshuar që ia kanë mbathur pa “nam e nishan”. /abcnews.al
