Një aksident ka ndodhur mbrëmjen e së hënës në Maliq. Bëhet e ditur se ngjarja ka ndodhur rreth orës 17:20 në rrugën Korçë-Drithas, sapo kalon urën Maliqit. Një mjet tip “Hyundai” ka dalë nga rruga dhe për pasojë të lënduar kanë mbetur një 21-vjeçar dhe një 32-vjeçar, njëri banues në Vlorë dhe tjetri banues në Sheqeras.
Nga pamjet e siguruara nga ABC në vendin e ngjarjes duket se automjeti është përplasur edhe me një pemë ndërsa dëmet janë të mëdha. Sa i përket dy të lënduarve, ata janë dërguar në Spitalin e Korçës, ku ndodhen nën kujdesin e mjekëve.
Rrethanat e ngjarjes nuk dihen ende. /abcnews.al/
