Pa bujë dhe as ceremoni hapjeje, si një ngjarje e zakonshme, Galeria Kombëtare nxjerrë nga fondi 600 vepra në një ekspozitë të vetme.
Arti pamor, prezantohet që nga vepra më e hershme e Theohar Gjini, portret i Skënderbeut realizuar në fillim shekullin e XX, vazhdon me Kol Idromenon, Vangjush Mihon, Ibrahim Kodrën, Edison Gjerko, Sali Shijakun dhe përfundon me veprat e vitit 1989, kompozim i Edi Ramës, apo veprën e përbashkët të Edi Hilës dhe Ardian Pacit, bashkëkohës të kryeministrit, për t’u përmbyllur me abstraksionin e 1999-ës të Besim Tules.
Në këtë ekspozitë të veçantë ka edhe 364 skulptura , 33 karikatura dhe 84 vizatime, e ku Ermir Grezda, ndihet i emocionuar kur sheh këtë ekspozitë dhe punimet e tij.
“Si ide është e mirë, por e vonuar. Në këtë hov, 20 vite të paktën, aktiviteti duhet të ishte më intensiv në lidhje me këtë vakum të madh që ekziston ndaj Galerisë”, shprehet ai.
Vizitorët e parë janë studentët e pikturës, të cilët shfaqin interes për piktoret femra.
“Për herë të parë, pas 1978 arrij të shoh veprën që është në galeri. Kam fotografitë deri në 10-12 vite më parë, ajo ka qenë e bardhë”, tregon ai.
Ekspozita është në proces me veprat të cilat ishin më të gatshme për t’u prezantuar, por ky numër do të pasohet nga vepra të tjera, të cilat do të ruhen.
Në galeri nuk lejohen më shumë se 20 vizitorë njëherazi dhe ata duhet të respektojnë distancën dhe të jenë të pajisur me maskë, në respekt të rregullave Anti-COVID-19.
/abcnews.al/
