Mesut Ozil me shumë gjasa është i larguar nga Arsenali. Fantazisti gjerman nuk grumbullohet prej disa ndeshjes dhe trajneri Emery nuk e ka në planet e tij. Gjermani është lojtari më i paguar në Premier League, pasi përfiton 350 mijë paundë në javë.
Një investim që u bë nga Arsene Ëenger, por që nga largimi i trajnerit francez, Ozil nuk ka qenë i njëjti. Emery nuk është një admirues i tij dhe po kërkon për blerës, në mënyrë që ta largojë sa më parë nga skuadra.
Legjenda e Arsenalit, Ray Parlour, i ka dalë në krah trajnerit Emery, duke thënë se Ozil është i mbaruar: “Mesut, sa vjeç është ai? 30 vjeç! Çfarë i ka fituar Arsenali? Asgjë, absolutisht asgjë. Ai është i mbaruar dhe nuk ka të ardhme në këtë klub”, tha Parlour në BBC Radio./abcnews.al
