Sergio Aguero po zhvillon sezonin e fundit me Manchester City. Bomberi argjentinas do të largohet në fund të sezonit me parametra zero, teksa drejtuesit e klubit anglez po mendojnë prej kohësh për zëvendësuesin e 32-vjeçarit.
Shumë emra përfliten, por lista kryesohet nga Erling Haaland. Pep Guardiola e cilëson si qendërsulmuesin perfekt dhe City po përgatit një ofertë tunduese për Borussia Dortmund.
20-vjeçari norvegjez ka një klauzolë shitje prej 77 milion eurosh, që bëhet aktive në verën e vitit 2022. “Cityzens” nuk duan të presin aq gjatë dhe po përgatisin sulmin për goleadorin viking në fund të sezonit.
Mirror raporton se në Angli kanë gati 114 milion euro për kartonin e Erling Haaland. Këtë të fundit e pret një rrogë faraonike prej 500 mijë paundësh në javë. /abcnews.al
