Mesfushori i Milanit, Ismail Bennacer, është në orbitën e PSG-së. Drejtori sportiv i francezëve, Leonardo, vazhdon ta kërkojë me ngulm algjerianin në Paris, përpos se Milani e refuzoi ofertën e parë.
Sipas raportimit të “Le10sport.com”, kampionët e Ligue 1 kërkojnë të firmosin një mesfushor të niveleve të larta, ku Leonardo ka një listë me tre emra.
Sergej Milinkovic-Savic i Lazios, Lorenzo Pellegrini i Romës, si dhe Bennacer i Milanit janë tre emrat që braziliani po studion me kujdes. Oferta e parë për lojtarin e Milanit ishte rreth 30 milionë euro, por që u refuzua menjëherë nga drejtuesit kuqezinj. /abcnews.al
