Në 24 orët e fundit, ministria e Shëndetësisë në vend njoftoi se janë konfirmuar pozitivë për koronavirusin 1,089 qytetarë nga 4,270 testime të kryera.
Nga këto raste, 25 të infektuar u regjistruan në Berat.
ABC mëson se mes tyre janë 2 mësues në shkollën 9-vjeçare “Thimi Tani” në Berat, 3 në shkollën 9-vjeçare “Sali Gjuka” në Urë-Vajgurore, 2 në shkollën e mesme “Muhamerr Janina” në Urë-Vajgurore, dhe 3 mësues në shkollën 9-vjeçare të fshatit Mbrakull.
Po ashtu, pozitivë për Covid-19 kanë rezultuar edhe 2 mësues në shkollën 9-vjeçare të fshatit Karkanjoz.
I infektuar është edhe një nxënës në gjimnazin “Babë Dudë Karbunara” në Berat, 6 në gjimnazin “5 Tetori” në Kuçovë dhe dy studentë.
Pozitivë kanë rezultuar edhe 2 infermierë në Qendrën Shëndetësore të fshatit Mbrakull në Poliçan, 2 punonjëse në një market në Berat dhe 7 punonjëse në tre fasoneri që operojnë në Berat. sb/abcnews.al/
