Temperaturat tepër të larta pritet të vazhdojnë në pjesë të Europës Jugore këtë javë, ndërsa kontinenti po përgatitet për valën e dytë ekstreme të të nxehtit, duke vënë në rrezik shëndetin e njerëzve dhe duke krijuar terrenin për zjarre.
Vala e të nxehtit “Cerberus” e javës së kaluar po i hap rrugën një tjetër, të cilën sinoptikanët italianë e kanë quajtur “Charon”, tragetin në mitologjinë greke që çon shpirtrat në botën e krimit.
Italia, Spanja dhe Greqia tashmë janë përballur me temperatura të larta prej ditësh, por Agjencia Europiane e Hapësirës ka paralajmëruar se vala e të nxehtit sapo ka filluar.
Temperaturat në Europë pritet të thyejnë rekordin e kontinentit prej 118.4 gradë Fahrenheit (48.8 gradë Celsius) të vendosur në vitin 2021, sipas ESA. Në Itali, e cila është prekur më shumë, temperaturat në shumë qytete pritet të rriten mbi 104 gradë Fahrenheit (40 gradë Celsius).
Të dielën, autoritetet italiane lëshuan alarmin në16 qytete, përfshirë Romën dhe Firencen. Në Greqi, ku temperaturat kanë shkuar 40 gradë Celsius, autoritetet u detyruan të mbyllin Akropolin në Athinë gjatë ditës së premte dhe përsëri gjatë fundjavës.
Në Spanjë, temperaturat në qytetet e Seviljes, Kordobës dhe Granadës shkuan në 40 gradë Celsius.
Zjarret në ishullin La Palma në ishujt Kanarie të Spanjës, të cilat filluan të shtunën në mëngjes, kanë djegur 4,650 duke shkatërruar 20 shtëpi dhe duke detyruar qindra njerëz të evkuaohen.
Në Greqi, gati 550 zjarrfikës u vunë në gatishmëri për të shuar 81 zjarre të hënën në të gjithë vendin, duke përfshirë katër të mëdha, me 198 makina zjarrfikëse, 23 avionë dhe 18 helikopterë, tha Ministri i Mbrojtjes Civile i Greqisë Vassilis Kikilia.
/abcnews.al
