Loading ...
Eksperti i marrëdhënieve ndërkombëtare, Ledion Krisafi, ka komentuar deklaratat dhe ambiciet e presidentit amerikan Donald Trump lidhur me Groenlandën, gjatë një interviste në emisionin “War Report” në ABC News.
Sipas Krisafit, gjuha e përdorur nga Trump tregon një qasje force dhe bindjen se SHBA mund të veprojë sipas dëshirës në Groenlandë, duke e kthyer këtë çështje më shumë në një objekt egoje personale dhe ambicie për t’u futur në histori, sesa në një proces real negociatash diplomatike. Ai theksoi se insistimi i Trump dhe siguria e tij për ta marrë Groenlandën “me çdo kusht” e vështirëson seriozitetin e dialogut dhe uljen në tryezë për një marrëveshje konkrete.
“Donald Trump e ka treguar letrën në vendin e gabuar. Gjuha e tij tregon që SHBA mund të bëjë çfarë të dojë në Groenlanda. Nobeli dhe Groenlanda janë çështjeje egoje të Trump. Sepse është një person që do të ngelet në histori. Megjithatë Groenldana është Çmimi Nobel më i madh. Duke qenë se është vend i NATO-s, SHBA mund të bëjmë çfarë të duan në Groenlandë. Trump nuk po kërkon një marrëveshje, Trump e di që nëse merr Groenlandën, do të ngelet në histori, prandaj dhe ai e synon.
Trump është shumë i sigurte që do e marrë Groenlandën me çdo kusht. Trump e di që nuk do të ketë një mandat të tretë dhe gjithçka do e bëjë në këto tre vitet që i kanë ngelur. Sa më shumë flet me këtë gjuhë, aq më shumë e bën të vështirë që ta marrin seriozisht dhe të ulen në tavolinë për të arritur një marrëveshje për Groenlandën”, tha eksperti
