Kategoria e Parë nuk është shumë “e goditur” nga grumbullimet e kombëtareve dhe mund të vazhdojë lirisht aktivitetin e saj për të kompensuar javët e humbura në të shkuarën prej shtyrjes dhe prej reshjeve të dëborës.
FSHF ka programuar zhvillimin e tre ndeshjeve të grupit B ditën e sotme. Duel shumë i fortë është ai në Peqin mes Besës, e renditur e 5-ta dhe Tomorit të vendit të dytë. Gjithashtu, një ndeshje direkte është ajo mes Lushnjës dhe Turbinës në Cërrik.
Duhet të themi se Turbina shkon në këtë takim pa portierin Vokli Laroshi, grumbulluar me ekipin kombëtar U21 nga Alban Bushi. Pogradeci i vendit të tretë sfidon Flamurtarin. Liqenorët shkojnë si favoritë në këtë sfidë. Të gjitha ndeshjet janë planifikuar të luhen në orën 13:30. /abcnews.al
