Po shkon tek të tetëdhjetepestat, por punën në bujqësi ende e bën me dëshirë.
Jo si dikur, megjithatë Gani Hajdari u rri në kokë e merret me punët e ditës në tokat pranë shtëpisë së tij. Tani është koha për mbjelljet e pranverës, kryesisht perimeve.
Krah ka bashkëshorten, me të cilën thuajse çdo ditë e gjen në kopshtin e tyre.
Kultivojnë perime e pemë frutore sa për familjen e tyre të vogël. Për gati 4 dekada Ganiu, me profesion mekanik, ka punuar me traktor.
Ka pluguar, mbjelle e kryer proceset mekanike me traktorin e tij në çdo arë e cep të Kukësit.
Kujton vështirësitë e punës, por edhe përkushtimin e tij të dikurshëm. Interesi për bujqësinë ka rënë dhe shumë banorë janë larguar nga fshatrat por Ganiu është i vendosur që tokat të mos i lërë djerrë.
Shpesh, kur niset për punë, nuk harron me vete të marrë edhe trashëgimtarët, nipërit e tij, të cilëve iu kultivon dashurinë punë tokën dhe bujqësinë.
/abcnews.al/
