Një profesor universiteti nga Kabuli u shfaq duke grisur diplomat e tij universitare gjatë një transmetimi Live në televizion. Sipas mediave të huaja, burri, i identifikuar nga gazetarët afganë si Ismail Mashal, tha se vendi i tij “nuk është vend për tu shkolluar”.
“Nëse motra ime dhe nëna ime nuk mund të studiojnë, atëherë unë nuk do të studioj”, tha ai, para se të griste diplomat para kamerës.
Pamjet u transmetuan në Tolo TV.
Pak ditë më parë, talebanët urdhëruan universitetet në Afganistan që t’ua ndalojnë qasjen grave, gjë që shkaktoi reagime të forta në mbarë botën dhe nxiti protesta dhe kritika të ashpra.
/abcnews.al
