Kryeministri norvegjez Jonas Gahr Store tha se vendi do të njohë shtetin palestinez. Store ka deklaruar se lufta e vazhdueshme në Gaza e ka bërë “shumë të qartë” se arritja e paqes dhe stabilitetit duhet të bazohet në zgjidhjen e çështjes palestineze.
Store tha se Norvegjia beson se një zgjidhje me dy shtete është në “interesin më të mirë” të Izraelit dhe se vendimi dërgon një mesazh “të fortë” për vendet e tjera që të “ndjekin” hapat e Norvegjisë.
Oslo do të njohë shtetin palestinez deri më 28 maj.
Të paktën 140 vende e kanë njohur shtetin palestinez. Kjo përfshin anëtarë të Grupit Arab me 22 vende në Kombet e Bashkuara, Organizatën e Bashkëpunimit Islamik prej 57 vendesh dhe Lëvizjen e Jo-Angazhimeve prej 120 anëtarësh.
Mbretëria e Bashkuar dhe SHBA janë ndër kombet që nuk e njohin zyrtarisht një shtetin palestinez.
Në fillim të këtij viti, sekretari i jashtëm Lord Cameron sugjeroi që qeveria, së bashku me aleatët e saj, mund të “shqyrtojë çështjen e njohjes së një shteti palestinez, duke përfshirë Kombet e Bashkuara”.
Izraeli nuk e njeh shtetësinë palestineze dhe qeveria aktuale izraelite kundërshton krijimin e një shteti palestinez në Bregun Perëndimor dhe Gaza.
Ai argumenton se një shtet i tillë do të ishte një kërcënim për ekzistencën e Izraelit.
