Një tenor në vend të Dashnor Sulës në Elbasan, është kjo ajo c’ka bie në sy në listat e PD për kandidatët për zgjedhjet e 11 majit.
Në listë të hapur Berisha ka listuar tenorin Armaldo Kllogjeri, ish banor i Big Brother Vip, ndërsa me zarf të zi ka dënuar kështu Dashnor Sulën, duke e lënë jashtë listës në këto zgjedhje.
Vetë Sula, pak para publikimit të listave reagoi ashpër përmes një statusi në facebook, ndërsa tha se është lënë jashtë vetëm me arsyen se ai është një mbështetës i SPAK.
Sakaq ABC News mëson se Dashnor Sula ka patur një telefonatë së fundmi me Dashamir Shehin, ky i fundit e konfirmon por thotë se e ka dorëzuar listën e Elbasanit, dhe se do shihet në ditët në vijim nëse mund të bëhet ndonjë korigjim në rast dakordësie.
