Pas mesnate në laboratorët e IKSHPK në Prishtinë u konfirmua një rast i ri pozitiv me COVID-19.
Sipas Institutit Kombëtar të Shëndetësisë Publike të Kosovës, i infektuari i ri i gjinisë femërore, shtetase e Kosovës ka arritur të hënën në Kosovë nga Londra. Gjendja e saj është stabilizuar.
Deri tani në laboratorët e IKSHPK u testuan 271 persona prej të cilëve kanë rezultuar 16 pozitiv me virusin e ri.
Ndërkohë qeveria e Kosovës ka shpallur gjendjen e jashtëzakonshme.
