Samiti i Liderëve të Ballkanit Perëndimor, i mbajtur këtë të enjte më Kotorr të Malit të Zi bëri bashkë liderët e vendeve të rajonit.
Të pranishëm në këtë takim ishin edhe përfaqësues të Bashkimit Evropian dhe Shteteve të Bashkuara të Amerikës, do të diskutojnë Planin e Rritjes për Ballkanin Perëndimor.
Samiti i mbajtur nën sloganin “Një rajon, një vizion i përbashkët”, përcolli mesazhe të forta bashkëpunimi dhe zhvillimi jo vetëm politik, por dhe ekonomik të vendeve të të Ballkanit Perëndimor.
Komisioneri Oliver Varhelyi, si dhe Sekretari i Shtetit për Evropën dhe Euroazinë, James O’Brien u shprehen qartazi se Ballkani duhet të heqë dorë nga mosmarrëveshjet e vjetra dhe se duhet të angazhohet për të finalizuar çështjet e dakordësuara.
Kryeministri Rama nga ana tjetër bëri thirrje që rajoni të jetë më bashkëpunues, ndërsa theksoi se për Shqipërinë, nuk është e kaluara që duhet ta kontrollojnë të ardhmen, por e ardhmja duhet ta kontrollojë të kaluarën.
Në përfundim të këtij Samiti, siç edhe e do tradita liderët e pranishëm në samit kanë bërë dhe foton familjarë.
Ndër të tjera vlen të theksohet se Plani i Zgjerimit të Ballkanit Perëndimor bazohet në 4 shtylla kryesore:
-Rritja e integrimit ekonomik me Tregun Unik të Bashkimit Evropian.
-Rritja e integrimit ekonomik brenda Ballkanit Perëndimor përmes Tregut të Përbashkët Rajonal.
-Përshpejtimi i reformave themelore
-Rritja e ndihmës financiare.
/abcnews.al/
