Autoritetet në qytetin kinez Xi’an do të shpenzojnë 700,000 juanë (rreth 90,000 euro) për biletat e lotarisë që do të shpërndahen si çmime për të sapomartuarit që tregojnë certifikatat e tyre të martesës.
Popullsia e Kinës ra në vitin 2023 për të dytin vit radhazi dhe numri i të porsalindurve ra në rreth gjysmën e numrit të regjistruar në vitin 2016.
Numri i martesave të reja ishte një rekord i ulët në vitin 2022.
Duke qenë se numri i martesave lidhet me lindjen, sepse nënat beqare shpesh nuk marrin përfitime, Sijan i premtoi një biletë lotarie çdo çifti që paraqet një certifikatë martese të datës 1 mars.
“Nuk është vetëm fillimi i një jete të lumtur bashkëshortore, por ka edhe një shans për të marrë një dhuratë të vogël ”, thuhet në faqen e internetit të zyrës së gjendjes civile.
Fushata do të zgjasë deri më 30 nëntor.
Kina është një nga vendet më të shtrenjta në botë për rritjen e fëmijëve në raport me PBB-në e saj për frymë, raportoi një institut kinez në shkurt, duke detajuar kostot për gratë që zgjedhin të lindin.
Më pak gra po zgjedhin të kenë fëmijë, sepse kanë frikë nga kostoja e lartë e kujdesit për fëmijët, mosgatishmëria për t’u martuar ose pezullimi i karrierës së tyre, ndërkohë që diskriminimi gjinor ende ekziston./abcnews.al
