Është 68 vjeç dhe Kadri Voga nuk i bën kurrë bisht punës. Edhe pse në pension, si një ish polic, dita e tij kalon në bahçe, në bletari dhe duke u marrë me punët e përditshme në fshatin Halilaj të Fushë Krujës.
Historia e tij vjen e rrëfyer nga ai që në vogëli, si një djalë pasionant për të ardhmen. Pasi ka kryer shkollën fillore në fshatin e lindjes dhe arsimin e mesëm në qytet, ai preferoi t’i bashkohej armatës së ushtrisë. Duke u frymëzuar nga ajo që shihte nga repartet pranë zonës, ai përfundoi studimet dhe nisi aktivitetin si ushtarak për disa vite.
Më pas Kadri Voga ka shërbyer në komisariatin e Krujës, I cili falë aftësive të tij, arriti të zbardhë edhe ngjarje të rënda kriminale.
Ndërkohë që ushtronte detyrën e tij si oficer policie, prej vitesh drejtonte dhe fshatin Halilaj, që e ka zgjedhur si kryeplak. Me krenari tregon se gjatë këtij funksioni, në fshat nuk është regjistruar asnjë ngjarje e rëndë.
Kadriu kërkon vëmendjen e duhur nga institucionet, që fshati Halilaj, me bukurinë që e karakterizon, të marrë zhvillim turistik.
/abcnews.al/
