Ministria ruse e Mbrojtjes njoftoi se një helikopter sulmues Mi-24 u rrëzua këtë të mërkurë rreth orës gjashtë të mëngjesit me orën e Moskës gjatë një fluturimi të rregullt mbi Detin e Zi pranë bregut perëndimor të Krimesë.
Shkaku paraprak i rrëzimit është një mosfunksionim i helikopterit, sipas deklaratës.
Ministria tha se shërbimi i kërkim-shpëtimit ndodhet në vendin e aksidentit.
Helikopteri transportues-luftarak Mi-24 “Krokodil” është krijuar për të rritur fuqinë e zjarrit dhe lëvizshmërinë e njësive tokësore. Është prodhuar në mënyrë serike që nga viti 1971.
Mi-24 është eksportuar në më shumë se 30 vende dhe është ende një nga helikopterët sulmues më të zakonshëm në botë./abcnews.al
