Atmosfera në kampin e Real Madrid është shumë e mirë. Triumfi në Superkupën e Spanjës ka rritur entuziazmin e tifozëve dhe të lojtarëve të Zidane. Ekipi po funksionon, pavarësisht mungesave të shumta dhe kritikave që ka pësuar.
Florentino Perez po përgatit një dhuratë të bujshme për trajnerin francez dhe gjithçka lidhet me sezonin e ardhshëm. Sky Deutschland raporton se “Los Blancos” synojnë Timo Werner në fund të sezonit.
Sulmuesi gjerman po shkëlqen me Leipzig dhe ka përfunduar në fokusin e disa klubeve të mëdha. 23-vjeçari po kalon një formë fantastike dhe deri tani ia ka dalë të shënojë 23 gola mes kampionatit, Kupës së Gjermanisë dhe Champions League. /abcnews.al
