Nis gjyqi në Francë për masakrën e “Charlie Hebdo”

schedule12:13 - 2 Shtator, 2020

schedule 12:13 - 2 Shtator, 2020

Në Gjykatën Speciale të Vlerësimeve në Paris, ka nisur sot gjyqi ndaj 14 të pandehurve që dyshohet se i kanë dhënë mbështetje logjistike vëllezërve Kouachi dhe Amédy Coulibaly, autorë të sulmit në redaksinë e revistës satirike “Charlie Hebdo”, 5 vite më parë.

Shumica e bashkëpunëtorëve të dyshuar janë në gjykatë në Paris, por tre po gjykohen në mungesë, shkruan abcnews.al.

Ata akuzohen se kanë ndihmuar sulmuesit militantë islamikë që qëlluan për vdekje 12 persona brenda dhe përreth zyrës së Parisit në “Charlie Hebdo” në janar 2015.

Një i armatosur i tretë qëlloi për vdekje një polic dhe sulmoi një supermarket hebre.

Në total, 17 njerëz u vranë në një periudhë prej vetëm tre ditësh. Vrasjet shënuan fillimin e një vale sulmesh xhihadiste në të gjithë Francën që la më shumë se 250 njerëz të vdekur.

Në ditët pas sulmeve, miliona njerëz morën pjesë në marshime solidariteti në të gjithë Francën dhe nëpër botë nën parullën “Je suis Charlie” (Unë jam Charlie).

Ndërsa dje “Charlie Hebdo” ribotoi karikaturat e diskutueshme të Profetit Muhamed që nxitën protesta në disa vende myslimane. /abcnews.al