Ngrihet grupi i punës për hartimin dhe propozimin e ndryshimeve kushtetuese në Kodin Zgjedhor. Ky grup pune do të jetë i përbërë nga Damian Gjiknuri, Klotilda Bushka dhe Korab Lita. Ai do të asistohet në veprimtarinë e tij nga ekspertët e Reformës Zgjedhore.
Kuvendi ka vënë në zbatim edhe atë çka paralajmëroi pak ditë më parë kryeministri Edi Rama, një ligj për të rregulluar veprimtarinë e presidentit të Republikës.
Grupi i punës për projektligjin për kreun e shtetit ka në përbërje të tij dy socialistë dhe një përfaqësues nga opozita parlamentare: Vasilika Hysi, Adnor Shameti dhe Alban Zeneli. Grupet e punës u miratuan ditën e sotme në Komisionin e Çështjeve Ligjore./m.v. abcnews.al
