Ngeli në Veting, Nikëhasani 15 vjet jashtë sistemit

Kolegji i Posaçëm i Apelimit la të pandryshuar vendimin e Komisionit të Pavarur të Kualifikimit për shkarkimin nga detyra të prokurores së Shkodrës, Besa Nikëhasani. Ish-prokurorja rezultoi ngelëse në procesin e Vetingut për shkak të problemeve me pasurinë. Ankimi i bërë nga Nikëhasani në KPA u shqyrtua në dhomë këshillimi në bazë dokumentesh. Ky vendim është i formës së prerë dhe shuan çdo shpresë të ish-prokurores për t’u kthyer në sistemin e drejtësisë për një periudhë 15 vjeçare. Vendimi i KPK për shkarkimin nga detyra të Nikëhasanit u mor në 24 prill 2018./abcnews.al