Nga të shtënat e Donald Trump deri tek përshëndetja e ngrohtë e Kamala Harris për Jennifer Lopez, momentet që ranë në sy gjatë fushatës presidenciale në SHBA 2024.
Fushata zgjedhore e vitit 2024 midis ish-presidentit amerikan Donald Trump dhe zëvendëspresidentes Kamala Harris është karakterizuar nga trazira, një klimë e pazakontë polarizimi dhe një seri imazhesh ikonike. Ja një vështrim i shkurtër i momenteve kyçe të këtij sezoni që ka përfunduar, duke i lënë vendin vendimit të kutisë së votimit.
Kandidati republikan presidencial dhe ish-presidenti i SHBA-së, Donald Trump me gjak në fytyrë, është i rrethuar nga agjentë të Shërbimit Sekret në një tubim fushate që do të hyjë në histori më 13 korrik 2024, në Butler, Pensilvani.
Pak më parë, 20-vjeçari i armatosur Thomas Matthew Crooks kishte tentuar ta vriste atë përpara se të qëllohej për vdekje nga një snajper i Shërbimit Sekret. Më pas, në një skenë që bëri xhiron e botës, Trump u ngrit i gjakosur nga veshi i djathtë dhe ngriti vazhdimisht grushtin në ajër, duke i thirrur 3 herë turmës “Luftoni!” dhe duke marrë brohoritje nga turma që vazhdoi të thërriste “SHBA!” në përgjigje.
Debati midis Trump dhe Kamala Harris, të cilët kryqëzuan shpatat dhe shpalosën vizionin e tyre për Amerikën gjatë një debati presidencial me nënshkrimin e ABC News të mbajtur më 10 shtator në Filadelfia.
Tensioni dhe sulmet personale karakterizuan debatin, i cili nuk pati një fitues të qartë, ndonëse beteja duket se është anuar drejt kandidates demokrate. Debati filloi me një shtrëngim duarsh mes kundërshtarëve në takimin e tyre të parë ndonjëherë.
Trump refuzoi edhe një herë gjatë thirrjes për të pranuar se ai u mund në zgjedhjet presidenciale të vitit 2020 nga Joe Biden.
Ish-zonja e parë Melania Trump përshëndet ngrohtësisht Elon Musk përpara se kandidati republikan presidencial Donald Trump të arrijë në një tubim të fushatës të mbajtur në Madison Square Garden në New York City të dielën, më 27 tetor.
Presidenti Joe Biden i cili ia dorëzoi stafetën Kamala Harris pak para Kongresit Demokratik u shoqërua disa herë në skenë nga anëtarët e familjes së tij. Ai ndau skenën me mbesën e tij Natalie përpara se t’u drejtohet anëtarëve të sindikatës në Carpenters Local 445 në Scranton, Pennsylvania më 2 nëntor.
Kamala Harris përshëndeti ngrohtësisht yllin e popit Jennifer Lopez pasi JLO i dha mbështetjen e saj gjatë një mitingu fushatës në Las Vegas të Veriut. Në një fjalim 13-minutësh, JLo, e cila është me origjinë nga Porto Riko, dënoi komentet raciste të komedianit Tony Hinchcliffe për vendin e saj në mitingun e Trump në Nju Jork që shkaktoi një reagim të ashpër./abcnews.al
