Ky grup turistësh kanë mbërritur nga Izraeli në Vlorë.
Qyteti bregdetar duket se nuk zgjidhet për t’u vizituar për detin, por edhe për kulturën e historinë.
Surprizë për ta ishte ngritja e një muzeu hebraik në Vlorë, ndërsa vlerësojnë kontributin e shqipërisë në atë periudhë të vështirë të historisë.
“Është hera e parë që vij në Shqipëri, Na thanë që po ngrihet një muze hebraik, fantastike. Erdhëm nga Saranda, vizituam Sarandën dhe tani po qëndrojmë këtu.”
“Jam nga Rusia, porn ë moshën 28-vjeçare jetoj në Izrael. Nuk e dija që hebrenjtë kanë jetuar këtu. Nga historia e dija që Evropa ishte kundër hebrenjve. Vlora më duket si Izraeli, janë thuajse njësoj, më pëlqen shumë.”
“Unë e di që shqiptarët kanë ndihmuar hebrenjtë. Është diçka e pazakontë. Vij për herë të dytë në Shqipëri. Më pëlqen shumë Vlora dhe Shqipëria.”
Për guida të ndryshme turistike që shoqërojnë grupet e vizitorëve të huaj në Vlorë, thonë se muzeu hebraik shton numrin e turistëve nga izraeli.
Vlora vijon të jetë një nga destinacionet kryesore për të huajt, të cilët zgjedhin ta vizitojnë në çdo periudhë të vitit./abcnews.al
