Sokol Imeraj i realizoi babait të tij, Prrenjo Imeraj, dëshirën e tij për të parë Kombëtaren shqiptare në Kampionatin Europian. Ata udhëtuan nga Amerika në Gjermani, ku dhe përjetuan emocione të mëdha.
Në një lidhje me Skype për “ABC e Mëngjesit”, Sokoli tregoi se biletat i bleu në momentin e fundit, por gjithçka ishte spektakolare.
Ndërsa, 89-vjeçari tha se iu duk e pabesueshme dhe u lumturua kur Nedim Bajrami bëri golin.
“Emocionet që përjetova në ndeshjen e parë mu duk e pabesueshme, me thënë të drejtën. Bërtita shumë kur bëri golin e parë Bajrami.
Ne në qoftë se do të luajmë çik me kujdes në mbrojtje do të jemi më mirë në ndeshjet e ardhshme”, u shpreh Prrenjo.
“I preva biletat në minutën e fundit për të realizuar dëshirën e babait. Ne erdhëm vetëm për dy ndeshjet e para dhe do të lëvizim.
Ne kemi 29 vjet në SHBA që në vitin 1995. Unë jam teknologjist i mjekësisë nukleare. Edhe babai ka qene mjek, edhe nëna ka qene pediatre, por nuk arrita dot ta bëja mjekësinë”, tha Sokoli./abcnews.al
