RMC Sport, një burim jashtëzakonisht i besueshëm për transferimet e Ligue 1, pohon se Neymar është në bisedime me Chelsea për një lëvizje gjatë verës. Ai gjithashtu është duke negociuar me një klub brazilian të paidentifikuar, ndërsa ekipet saudite janë të prirura për nënshkrimin e tij.
Braziliani ka njoftuar sot PSG-në se dëshiron të largohet nga klubi pas gjashtë vitesh në klub. Ai fiton 30 milionë euro në vit në Parc des Princes dhe “nuk është i gatshëm të bëjë lëshime” për pagën e tij.
31-vjeçari shënoi 13 gola dhe dha 11 asistime në 20 ndeshje në Ligue 1 sezonin e kaluar.
Chelsea është lidhur me Neymar për disa vite tani dhe ka një shans që lëvizja më në fund të realizohet këtë vit. Pyetja është, a është Neymar ende mjaft i mirë për Blutë me të gjitha betejat e tij me dëmtimet? /G.D abcnews.al/
