TIRANË– Ekstradohet nga Holanda në Shqipëri 30-vjeçari Kristi Bixheku, i cili ishte shpallur në kërkim ndërkombëtar.
Ai ishte shpallur në kërkim ndërkombëtar, pasi Gjykata e Shkallës së Parë të Juridiksionit të Përgjithshëm Elbasan, ka caktuar masën e sigurisë, “Arrest me burg”, për veprat penale “Shkatërrim i pronës me eksploziv”, “Sigurimi i kushteve material për të kryer vrasje”, “Grup i strukturuar kriminal” dhe”Kryerja e veprave penale nga grupi i strukturuar kriminal”.
Ky person thekson policia në bashkëpunim me shtetas të tjerë ka siguruar lëndën shpërthyese që është vendosur në shtëpinë e një shtetasi, më 31 dhjetor 2022, në qytetin e Lushnjës./abcnews.al
