Loading ...Policia ka finalizuar operacionin e koduar “Larushku”, duke vënë në pranga një 41-vjeçar të shpallur në kërkim.
Në kuadër të operacionit, shërbimet e Stacionit të Policisë Fushë-Krujë kanë lokalizuar dhe arrestuar shtetasin Agim Xhixha, banues në Larushk të Sipërm, Fushë-Krujë.
Sipas Policisë, 41-vjeçari ishte shpallur në kërkim pasi Gjykata e Shkallës së Parë të Juridiksionit të Përgjithshëm Tiranë e kishte dënuar me 6 vite burgim për veprën penale “Prodhimi dhe shitja e lëndëve narkotike, e kryer në bashkëpunim”.
