Në një cep të largët të pyllit tropikal të Amazonës në Brazil, studiuesit kanë shpenzuar dekada duke kapur dhe matur zogjtë në një pjesë të madhe pylli të paprekur.
Gjatë 40 viteve, dhjetëra lloje të shpendëve Amazonianë kanë rënë në masë. Shumë specie kanë humbur gati 2 për qind të peshës së tyre mesatare trupore çdo dekadë, raportojnë studiuesit më 12 nëntor në “Science Advances”. Për më tepër, disa specie kanë rritur krahët më të gjatë. Ndryshimet përkojnë me një klimë më të nxehtë dhe më të ndryshueshme, e cila mund të sjellin trupa më të dobët dhe më efikasë që ndihmojnë zogjtë të qëndrojnë të ftohtë, thonë studiuesit.
“Ndryshimi i klimës nuk është diçka e së ardhmes. Po ndodh tani dhe ka ndodhur dhe ka efekte që nuk i kemi menduar”, thotë Ben Winger.
Duke parë të njëjtat modele në kaq shumë lloje zogjsh në kontekste gjerësisht të ndryshme “flitet për një fenomen më universal”, thotë ai.
Biologët e kanë lidhur prej kohësh madhësinë e trupit dhe temperaturën. Shumë lloje të zogjve shtegtarë të Amerikës së Veriut po bëhen më të vogla.
