Vendorët në Elbasan do të protestojnë kundër ndotjes. Bashkia e Elbasanit i është bashkuar iniciativës të Këshillit Bashkiak për të protestuar pranë kompanive që ushtrojnë aktivitetin e tyre në zonën e ish-kombinatit Metalurgjik dhe që sipas tyre nuk respektojnë normat mjedisore.
Këshilltarët bashkiakë dhe e gjithë administrata e bashkisë e cilësojnë këtë gjë si një betejë që synon mjedis më të pastër për qytetarët. Më herët, Këshilli Bashkiak shpalli emergjencën mjedisore në Elbasan, kurse prokuroria ka nisur hetimet për ndotjen. Por megjithatë situata nuk ka ndryshuar./abcnews.al
