Një grua britanike ka ndërruar jetë pas një ndëryrje kozmetike që ka kryer në një klinikë në Turqi. Leah Cambridge 29 vjeçe, thuhet ti jetë nështruar ndërhyrjes braziliane të riformimit të të pasmeve, i cili vendos në këtë zonë të trupit dhjamë të marrë nga pjesa e stomakut.
E reja ishte estetiste dhe ndërmori këtë ndërhyrje në Turqi pas sugjerimeve të shumta dhe një çmimi prej 3300 Eurosh. Shkaku ekzakt i vdekjes akoma është i panjohur, por thuhet se ajo kishte kaluar nëpër komplikacione të ndryshme pas operacionit. Bashkëshorti i saj tha se ata akoma po presin përgjigje për ç’ka ndodhi. Ai u shpreh se tashmë ishte zemërthyer dhe se u kërkonte të tjerëve që të ndërgjegjësosheshin për kryerjen e një procedure të tillë.
Popullariteti i jashtëzakonshëm që kjo kategori e ndërhyrjeve estetike ka marrë, është frymëzuar më së shumti nga femrat e famshme si Kim Kardashian, Kylie Jener dhe Nicki Minaj, të cilat kanë marrë përsipër procedura ekstreme për të arritur figurën e tyre perfekte. Ndërhyrja braziliane e të pasmeve, thuhet se arrin rezultate të dallueshme dhe shërimi është i shpejtë. Megjithatë, ekspertët kanë paralajmëruar për rreziqet që mund të shkaktohen pas operacionit. Një kirurg plastik nga brazili, i njohur si Dr Bumbum, u dënua me vrasje më herët këtë muaj për shkak se një nga pacientët e tij ndërroi jetë në sallë gjatë një procedure të ngjashme./abcnews.al
