Dhjetra naftëtarë të uzinës së Ballshit u mblodhën para prefekturës Fier për të protestuar ndaj pagave të pamarra dhe rikthimin në punë. Ata i janë rikthyer protestës, pasi janë të zhgënjyer nga premtimet e qeverisë, ndërsa kanë shtuar se pas videokonferencës me kryeministrin Rama nuk kanë marrë më asnjë përgjigje. Naftëtarët kërkuan mbështetjen nga prefekti i qarkut Fier, dhe thanë se protesta do të përshkallëzohet. 1200 naftëtarë mbetën të pa punë nga rafineria e Fierit dhe uzina e Ballshit, pas atij që nga ana e autoriteteve u cilësua si remont./abcnews.al
