Loading ...
Pritjes i erdhi fundi. Dyzet e gjashtë vjet pas triumfit në Salt Lake City, Shtetet e Bashkuara të Amerikës jetuan “Mrekullinë e Dytë në Akull”duke fituar medalje të artë olimpike në hokejin për meshkuj, e treta në të gjithë historinë e saj.
Skuadra me “yje dhe viza” fitoi 2-1 kundër rivalëve të mëdhenj të Kanadasë finalen e madhe në Lojrat Dimerore “Milan Cortina 2026”.
Triumfi në Milano do të mbahet mend gjatë nga entuziastët e hokejit sepse finalja ishte madhështore, duke përmbushur çdo pritje të ngritur nga një ngjarje globale.
Një betejë fizike, plot me përplasje fizike dhe verbale, por edhe një përballje teknike e nivelit më të lartë.
Skuadra amerikane mori epërsinë në minutën e gjashtë, kur Matt Boldy ndali diskun në rrjetë.
Një goditje e rëndë për kanadezët, që arritën të barazojnë rezultatin në minutën e 19 të periodës së dytë me Makar.
Me ekuilibrin në rezultat, dueli në akull vazhdoi gjatë derisa në nisje të shtesës, pas vetëm 1 minute e 41 sekondash Xhek Hjuxh shënoi golin e dytë dhe të fitores për Shtetet e Bashkuara të Amerikës që jetojnë një tjetër triumf si ai që u pagëzua si “Mrekullia në Akull” fitorja kundër Bashkimit Sovjetik në vitin 1980.
