Reshjet e shiut të shoqëruara me erëra të forta kanë shkaktuar probleme kryesisht në zonën bregdetare, ku është pezulluar lundrimi i anijeve të peshkimit. Në Vlorë nuk ka patur përmbytje, por thyerje të pemëve.
Nuk pati vërshim të ujit nëpër rrugët e qytetit, por shumë pemë u rrëzuan në tokë.
Vlora prej 24 orësh u përfshi në një mot të keq me reshje dhe erë të fortë.
Rruga e Zvërnecit u bllokua për pak kohë.
Kurse në disa lagje të qytetit, ne Orikum dhe Radhimë pati ndërprerje të energjisë elektrike.
Anijet e peshkimit nuk dolën në det dhe trageti i pasagjereve Brindisi –Vlorë nuk ka kryer itinerarin e tij.
Në Durrës flota e anijeve prej afro 3 ditësh nuk ka funksionuar. Dispeçeria rekomandoi ndalimin e lundrimit të peshkarexhave për shkak të motit me reshje dhe erë të forte.
Mot me reshje dhe erë të forte ka edhe në Fier. Qarkullimi është vështirësuar dhe rrugët e lagjeve janë mbushur me ujë.
Elton Nika, gazetar i ABC News Vlorë
