Sipas MeteoAlb: Kthjellime dhe alternime vranësirash do të ketë në të gjithë territorin duke sjellë reshje të pakta shiu e dëbore, më së shumti në Qendër dhe zonat Jugore. Pasditja sjell përmirësim të përkohshëm të motit në territor POR sërisht gjatë natës, reshjet ri-kthehen në pjesën më të madhe të vendit.
Temperaturat e ajrit vijojnë me një rënie të lehtë gjatë mëngjesit, por mesdita do të ruajë vlera termike konstante.
Era do të fryjë kryesisht mesatare, me shpejtësi deri 40 km/h nga drejtimi Veriperëndimor ndërsa në det dallgëzimi ulet në 2 – 3 ballë.
Moti – E enjte, 15 shkurt 2018
Sipas MeteoAlb: Kthjellime të shkurtra dhe vranësira të shpeshta të shoqëruara nga reshje të pakta shiu e dëbore do të ketë në Jug ndërsa reshje të izoluara, priten në zonat Qendrore dhe Veriore.
Pasditja përmirëson kushtet e motit në Veri dhe Qendër ndërsa Jugu dhe kryesisht Juglindja mbetet me reshje të izoluara dëbore deri në mbrëmje kur kthjellimet bëhen dominate në të gjithë vendin.
Temperaturat e ajrit do të pësojnë një rënie me 2 – 3°C gjatë mëngjesit, ndërsa një rënie e lehtë pritet gjatë orëve të mesditës.
Era do të fryjë mesatare dhe deri e fortë, me shpejtësi 60 km/h nga drejtimi Verilindor duke forcuar në det dallgëzimin mbi 4 ballë./abcnews.al
