Rusia do heqë dorë përfundimisht nga traktati i kontrollit të armëve bërthamore me SHBA-në nëse nuk dëgjon qëndrimin e Moskës, sipas Kremlinit. Presidenti Vladimir Putin tha javën e kaluar se do të pezullonte pjesëmarrjen e vendit të tij në traktatin START për reduktimin e armëve bërthamore.
Ishte një paralajmërim për Perëndimin, të cilin Putin e ka akuzuar për fillimin e luftës në Ukrainë dhe për përfshirjen në përpjekjet për të sulmuar bazat ajrore ruse.
Traktati kufizon arsenalet strategjike bërthamore të të dy palëve. Zëdhënësi i Kremlinit Dmitry Peskov tha se “qëndrimi i Perëndimit kolektiv” ndaj Rusisë, të udhëhequr nga SHBA, duhet të ndryshojë.
“Siguria e një vendi nuk mund të sigurohet në kurriz të sigurisë së një tjetri,” tha ai për gazetën ruse Izvestia.
Ai diskutoi planin e propozuar të paqes nga Kina, i cili siç kemi raportuar, kërkon një armëpushim të menjëhershëm nga të dyja palët. Peskov tha se thirrja nga Pekini duhet të merret parasysh, por “nuancat janë të rëndësishme”.
Presidenti ukrainas Volodymyr Zelensky tha më parë se është i hapur për të shqyrtuar pjesë të planit të paqes prej 12 pikash të Kinës.
/abcnews.al
