Mbretëresha Sofia nuk po kalon momentet më të mira të jetës së saj. Edhe kjo mund të konkludohet nga fakti se së fundmi nëna e Mbretit Felipe u emocionua gjatë një ngjarjeje publike.
View this post on Instagram
Shfaqja e emocioneve të Mbretëreshës Sofia erdhi vetëm disa ditë përpara ceremonisë së betimit të 18-vjetorit të mbesës së saj Princeshës Leonor në Kongres të martën më 31 tetor.
View this post on Instagram
Sofia, nëna mbretëreshë e Spanjës dhe motra e ish-mbretit të Greqisë, Kostandinit, nuk ishte e ftuar në ceremoninë historike në Cortes Generals dhe kjo i ka kushtuar shtrenjtë.
Arsyeja që ajo nuk mori pjesë ishte se Juan Carlos nuk ishte i ftuar në eventet për ditëlindjen e Leonorit, pasi Pallati nuk donte që kjo ditë të lidhej me të dhe skandalet e tij. Kështu, u vendos që të mos i dërgohej ftesë as gruas së tij, Mbretëreshës Sofia.
Të dy morën pjesë në një drekë private pas ngjarjeve publike, por kjo nuk mjaftoi për Mbretëreshën Sofia, e cila ndjen se po “paguan” për mëkatet e ish-bashkëshortit të saj në mënyrë efektive.
Dje, e enjte, 2 nëntor, Mbretëresha kishte ditëlindjen e saj të 85-të vetëm dy ditë pas ditëlindjes së mbesës së saj.
Nëna e Mbretit nuk organizoi një festë të madhe, por thjesht një festë të qetë familjare.
Në këtë ditë, Mbretëresha Sofia e festoi atë me një drekë intime dhe një tortë me çokollatë. Ajo shoqërohej nga disa nga nipërit e saj, por jo nga Princesha Leonor, e cila tashmë ishte kthyer në Akademinë e Përgjithshme Ushtarake të Zaragozës për të vazhduar studimet e vitit të dytë./abcnews.al
