Moderatori Bledi Strakosha ka fituar betejën me Covid-19. Lajmin Strakosha e ka ndarë me ndjekësit në rrjetet sociale, teksa shprehet se testi e ka nxjerrë negativ.
Moderatori nuk e përshkruan të lehtë përballjen me virusin, ndërsa falënderon të gjithë të afërmit dhe miqtë e tij.
“Të dashur miq, më në fund trupi im e fitoi betejën me Covid-19 ?? Tashmë rezultoj negativ në të gjitha kontrollet e bëra. Nuk ishte e lehtë, por gjithsesi shumë më pak e vështirë se lufta që po bëjnë shumë të tjerë që janë shtruar në spitale. Faleminderit nga zemra të gjithë mjekëve qe më ndoqën e asistuan me aq përkushtim ? Faleminderit familjes sime ♥️ Faleminderit shumëëë edhe secilit prej jush (të njohur e të panjohur) që më qëndruat pranë në rrjet e më dhatë kurajo ? Ju lutem kujdesuni për veten! Virusi do bëjë të vetën, por edhe ne duhet të bëjmë tonën ???”, shkruan moderatori.
