Një valë e çuditshme bastisjesh në dyqanet e veshjeve dhe aksesorëve luksozë nga grupe personash të maskuar me kapuç po ndodh ditët e fundit në SHBA.
Objektiv janë pikat e shitjes së firmave të famshme, si Louis Vuitton, Burberry, Bloomingdales, Hermes, Fendi etj. Grabitjet vlerësohen në shumicën e rasteve në qindra mijëra dollarë në Kaliforni, por edhe në Çikago.
Bastisjet kryhen në mënyrë të rrufeshme, në orët normale të funksionimit të dyqaneve, me taktikën “godit & vrapo”. Disa prej autorëve janë arrestuar.
Nga vlerësimet e para të policisë, sulmet në dyqane konsiderohen të organizuara paraprakisht. Policia mendon se shpërthimi i valës së bastisjeve është qartazi një rast i grabitjes së organizuar.
‘Grab & Run’
At least 14 suspects conduct ‘grab & run’ at Louis Vuitton store in Oak Brook Center Mall near Chicago; Police estimate $100,000 worth of merchandise was stolen…. pic.twitter.com/jGtUzfqL0Z— Agent Applebutt™️ (@Cream_n_Coffee) November 22, 2021
Policia amerikane po përpiqet të zbulojë se si organizohen sulmet, nëse janë të planifikuara dhe të kontrolluara nga e njëjta dorë. Në të njëjtën kohë, në SHBA dhe për shkak të valës së grabitjeve, ka pasur një polemikë të fortë.
Për shkak se vala aktuale e bastisjeve duket se nuk ka ndonjë dimension politik, autoritetet amerikane flasin për “plaçkitje” për momentin./ Abcnews.al
