TIRANË– Kryeministri i Greqisë, Kyriakos Mitsotakis është shprehur se rruga për integrimin evropian të Shqipërisë kalon nga Greqia.
Kreshnik Osmani, ekspert i gjeopolitikës, i ftuar në “360 Gradë” tha se kërcënimi i Athinës nuk mund ta pengojë rrugën europiane të vendit tonë.
Ai shtoi se, parë në një sferë Më të gjerë gjeopolitike, kryeministri Edi Rama e ka të qartë idenë se integrimi i Shqipërisë nuk kalon nga Greqia, por nga Uashingtoni dhe Brukseli.
“Edi Rama e ka të qartë se integrimi i Shqipërisë në Bashkimin Evropian nuk kalon nga Athina. Athina ka nevojë për Uashingtonin, sepse e ka kërcënuar hapur Erdogani. Greqia nuk është në momentin e fuqisë së saj më të madhe”, theksoi ai.
