Kryeministri Edi Rama ka reaguar pasi Këshilli Europian dha miratimin përfundimtar për planin prej 6 miliardë eurosh i cili do të shërbejë si instrument financiar për rritjen ekonomike të vendeve të Ballkanit Perëndimor.
Përmes një postimi në rrjetet sociale, Rama u shpreh se plani i rritjes injekton një vrull të ri në procesin e zgjerimit në Bashkimin Europian.
Nga ky fond për 6 vendet e rajonit, Shqipëria përfiton 1 miliard euro.
“E përshëndes miratimin sot nga Këshilli Evropian të Planit të Rritjes për Ballkanin Perëndimor. Ky është një moment historik i rëndësishëm që i paraprin fillimit të zbatimit të tij, për të cilin ne jemi plotësisht të përgatitur dhe entuziastë. Plani i Rritjes injekton një vrull të ri në procesin e zgjerimit, me një theks të veçantë në fusha vendimtare si sundimi i ligjit, transparenca dhe reformat. Për më tepër, ai prezanton burime të reja financiare për vendet e Ballkanit Perëndimor, në varësi të performancës së tyre. Fantastike të shohësh në realitet ato për të cilat je përpjekur të ndodhin prej shumë kohësh. Faleminderit të gjithëve atyre që janë përfshirë.
Shqipëria ka paraqitur një Reform-Agjendë jashtëzakonisht ambicioze që do të ekzekutohet gjatë tre viteve të ardhshme. Kjo axhendë synon ta afrojë vendin drejt së ardhmes si pjesë përbërëse e familjes evropiane. I pres me padurim diskutimet në Samitin e ardhshëm në mes të Majit në Malin e Zi piktoresk.”, shkruan Rama në X.
I welcome the European Council’s adoption today of the #GrowthPlan for the #WesternBalkans. This marks a significant milestone preceding the commencement of its implementation, to which we are fully prepared and enthusiastic.
The Growth Plan injects new momentum into the…
— Edi Rama (@ediramaal) May 7, 2024
