Ministri i Jashtëm grek, Nikos Dendias ditën e sotme zhvilloi një vizitë zyrtare në Shqipëri.
Ai u takua me ministren Olta Xhaçka me të cilën mbajtën dhe një konferencë për shtyp.
Në përfundim të vizitës, ministri Dendias takoi edhe kryeministrin Rama në zyrën e tij.
Lexo edhe: Nga “Deti” në Hagë te Ligji i Luftës, Dendias mohon “Çamërinë” në Tiranë: Të mos krijojmë çështje që s’janë ekzistuese
Përmes një postimi në Twitter, Dendias ndau detaje nga ajo që u diskutua. Në fokus të diskutimeve ka qenë pikërisht integrimi i Shqipërisë në BE. Ministri grek gjatë konferencës me ministren Xhaçka u shpreh se Greqi e mbështet rrugën e integrimit të Shqipërisë dhe Maqedonisë së Veriut në BE.
“Duke përfunduar vizitën time në Tiranë , u takova me Kryeministrin e Shqipërisë Edi Rama. Diskutimet u fokusuan në marrëdhëniet dypalëshe, perspektivën e BE dhe zhvillimet rajonale”, shkruan Dendias.
Concluding my visit to #Tirana, I met with #Albania PM @ediramaal. Discussions focused on bilateral relations, ??’s #EU perspective & regional developments. pic.twitter.com/TX26mN0KiW
— Nikos Dendias (@NikosDendias) May 23, 2022
Çështje të tjera që ishin në fokus të vizitës së ministrit kanë të bëjnë me projektet e përbashkëta në fushën energjetike apo projekte infrastrukturore mes dy vendeve./abcnewës.al/
