Miley Cyrus nuk flet më me të atin Billy Ray Cyrus pas ndarjes nga nëna e saj, Tish Cyrus. Mediat e huaja raportojnë se dyshja patën një grindje dhe se gjërat janë shpërkallëzuar deri në atë pikë sa kanë ndërprerë komunikimin, duke hequr dhe njëri-tjetrin nga rrjetet sociale.
Përplasja thuhet se ka ardhur pasi ylli i muzikës country njoftoi publikisht ndarjen e tij nga nëna e Miley-t në prill pas gati 29 vitesh martesë. “Miley nuk ishte dakord me disa gjëra që ka bërë babai i saj. Është përshkallëzuar vërtet dhe ata nuk janë në marrëdhënie të mira”, tha një burim për The Sun.
“Pjesa tjetër e familjes shpreson se do të kalojë së shpejti dhe ata do të jenë në gjendje të qetësohen por Billy dhe Miley janë të dy të mërzitur,” shpjegoi burimi. Tish dhe Billy Ray u martuan në dhjetor të vitit 1993 dhe kanë fëmijët: Miley, 29 vjeç, Noah, 22 dhe Braison, 27 vjeç.
Tish gjithashtu ka dy fëmijë Brandi, 34, dhe Trace, 33, nga një lidhje e mëparshme, të cilët të dy ishin adoptuar nga Billy Ray, i cili gjithashtu ka një djalë, Christopher, me ish-partneren e tij, Kristin Luckey. Kjo është hera e tretë që Billy Ray dhe Tish ndahen dhe ndërmarrin hapa drejt procedurave të divorcit.
/abcnews.al
