Milani është një klub i madh dhe normalisht mediat në Itali mundohen të zbulojnë sa më shumë lajme të bujshme. Shitja e kuqezinjve vijon të jetë një temë e nxehtë dhe si zakonisht emri i Bernard Arnault del në skenë herë pas herë.
Kështu ka ndodhur edhe ditën e sotme, teksa “Il Giornale” shkruan se brenda vitit miliarderi i njohur, pronar i Louis Vuitton, do të blejë Milanin nga fondi Elliot dhe më pas do të bëjë revolucion, duke afruar emra të mëdhenj.
Për pankinën thuhet se do të afroje spanjollin Pep Guardiola, i cili asnjëherë nuk e ka fshehur simpatinë për kuqezinjtë. Emri tjetër i bujshëm është ai i sulmuesit të PSG, Kylian Mbappe. Për kampionin e botës duhet paguar një shifër e konsiderueshme, pasi konsiderohet si një nga kandidatët për “topin e Artë në vitet në vazhdim. /abcnews.al
