Izraeli do të ndërojë presidentin amerikan për njohjen e Jeruzalemit si kryeqytet të tij. Sipas mediave të Tel Avivit, në Jeruzalem do të ndërtohet një metro e re, e cila do të mbajë emrin “Donald Trump”.
Emri i presidentit amerikan mund të mbetet i gdhendur përgjithmonë në stacionin e ardhshëm të metrosë, i cili do të ndërtohet pranë Murit të Vajtimit në Jeruzalem. Në hyrje të 3 kilometrave hekurudhë që do të kalojnë poshtë qytetit të vjetër, do të vendoset emri Donald Trump: një shenjë e qartë mirënjohjeje për vendimin e presidentit amerikan për të njohur Jeruzalemin si kryeqytetin e Izraelit.
Lajmi është shpërndarë nga mediat e Tel Avivit, të cilat citojnë ministrin e Transporteve, Uisrael Katz. Linja e re do të fillojë nga hyrja perëndimore e qytetit të kontestuar nga izraelitët dhe palestinezët, që korrespondon me pikën e mbërritjes së trenave që nisen nga Tel Avivi. Tuneli do të vendoset në një thellësi prej 50 metrash dhe do të kalojë poshtë Jeruzalemit derisa të kalohet në vendin e gërmimeve arkeologjike romake, jo shumë larg nga muri i vajtimit.
Sipas mediave izraelite, bëhet fjalë për një “projekt kombëtar”, i cili do të shikohet me shumë prioritet. Kostoja e realizimit të metrosë shkon mbi 600 milionë euro./abcnews.al
Gazetari i ABC News: Xhevahir Qardaku
