Këshillat bashkiakë ndanë dy aleatët më të ngushtë të betejave të fundit opozitare, në rrugë dhe jo vetëm. Ilir Meta po shkon në zgjedhje pa Sali Berishën.
Të dy ata do të ecin në rrugë më vete, në betejën e këshilltarëve bashkiakë, me synimin që secili të marrë më shumë numra në radhët e parlamenteve lokalë në vend.
Këtë të enjte Partia e Lirisë publikoi të plotë listën me kandidatët për Këshillin Bashkiak të Tiranës, duke mos lënë asnjë vend për propozimet që mund ti vinin nga Foltorja.
Lista udhëhiqet nga ish-deputetja Silva Caka dhe përmban 63 emra. Berisha do të duhet të gjejë rrugën nga partitë më të vogla, pasi Meta shpalli pavarësi prej tij.
Megjithatë Meta konfirmoi se propozimet e Berishës nuk do të ngelin jashtë zgjedhjeve, duke nënkuptuar se një marrëvshje mund të jetë arritur por ende nuk është zyrtarizuar.
Dhe mundësia e Berishës do të jetë mesa duket Nard Ndoka i PDK-së dhe Vangjel Dule i PBDNJ-së, per të strehuar pretendentët e tij për këshillat bashkiak.
