Nga David O’Connor, The Guardian
Gjatë verës, Izraeli miratoi dozën e tretë të Pfizer/BioNTech për personat mbi 60 vjeç, duke u bërë vendi i parë që filloi të administronte “doza përforcuese”, për të vaksinuarit. Kryeministri, Naftali Bennett, njoftoi vendimin pas një studimi nga Leumit Health Services.
Sipas studimit, personat mbi 60 vjeç që ishin vaksinuar më shumë se pesë muaj më parë kishin tre herë më shumë gjasa të infektoheshin në krahasim me personat e vaksinuar kohët e fundit. Që nga 29 gushti, Izraeli filloi administrimin e një dozë të tretë për personat e moshës mbi 12 vjeç.
Por lind pyetja nëse vendet e tjera tani do të ndjekin shembullin e Izraelit.
Të dhënat e para që vlerësojnë ndikimin e dozës së tretë u botuan javën e kaluar në New England Journal of Medicine (NEJM). Sipas të dhënave, 1.1 milion persona mbi 60 vjeç që morën dozën e tretë, kishin 11.3 herë më pak të ngjarë të infektoheshin me variantin Delta që mbizotëron aktualisht në Izrael dhe në të gjithë botën, raporton abcnews.al
Me fjalë të tjera, dozat e treta janë shumë efektive për të parandaluar infektimin me Delta. Dozat e treta zvogëlojnë ndjeshëm rrezikun e infektimit dhe krijojnë një pengesë për transmetimin dhe përhapjen e mëtejshme të virusit.
Kjo është e rëndësishme sepse një numër në rritje i njerëzve po infektohen pavarësisht se janë të vaksinuar. Vendet e tjera kanë studiuar të dhënat izraelite, por kanë ngurruar të miratojnë dozat e treta universale për të rinjtë për dy arsye kryesore.
Së pari, programet aktuale të vaksinave jashtë Izraelit vazhdojnë të mbrojnë nga sëmundjet e rënda, shtrimi në spital dhe vdekja. Një standard i arsyeshëm për vlerësimin e ndikimit të vaksinës është parandalimi i infeksioneve edhe klinikisht të lehta në mënyrë që të minimizohet transmetimi brenda komuniteteve.
Status quo e personave të vaksinuar të cilët nuk janë të mbrojtur në mënyrë optimale nga infeksioni dhe transmetimi, popullata të konsiderueshme (p.sh., fëmijë të vegjël) të cilët nuk lejohen të vaksinohen, dhe një numër i madh i individëve të pavaksinuar kanë shkaktuar përhapjen e variantit Delta.
Ulja dramatike e numrit të të infektuarve në mesin e të vaksinuarve me 3 doza zvogëlon numrin e individëve më të rrezikuar nga Covid. Izraeli tashmë po i tregon botës një provë reale të këtij koncepti dhe rënia e rasteve të reja është inkurajuese.
Sigurisht, duhet të ekzistojnë programe të tilla së bashku me përpjekjet për të imunizuar personat e pavaksinuar. Të bindësh të pavaksinuarit ka qenë e vështirë, edhe me stimuj financiarë dhe strategji të tjera krijuese. Ndërkohë, ekziston një segment i konsiderueshëm i popullsisë që do të kërkonin të merrnin dozat e treta sapo të ishin të disponueshme, raporton abcnews.al
Miratimi i dozës së tretë do të siguronte një përfitim të menjëhershëm për këtë grup dhe komunitetet në të cilat ata jetojnë, ndërsa programet që synojnë të inkurajojnë njerëzit e pavaksinuar që të imunizohen duhet të vazhdojnë.
Së dyti, ekziston një shqetësim për pabarazinë e këtyre programeve në Izrael. Sigurisht nevojiten më shumë vaksina për vendet më në nevojë. Ndërsa mbrojtja afatshkurtër që është vënë re në provat klinike fillimisht mbështeti vaksinimin me dy doza, të dhënat më të reja sugjerojnë që nevojitet një dozë e tretë dhe kjo duhet të jetë protokolli i ri standard.
E njëjta gjë siç ka ndodhur me Hepatitin B.
Kjo nuk do të thotë se nevojat e pjesës tjetër të botës duhet të injorohen. Në të vërtetë, nevoja për të vaksinuar me 3 doza njerëzit për të minimizuar kërcënimin e Covid-19 në nivel global duhet të jetë një thirrje për të investuar menjëherë në programet e qëndrueshme të imunizimit në të gjithë botën.
Për shembull, më pak se 75% e foshnjave në Afrikë kanë marrë të 3-ja dozat e vaksinës së hepatitit B. Përballë një dimri potencialisht të vështirë, bota duhet të marrë masat e nevojshme. Ekziston një tendencë për të studiuar me maturi të dhënat e mbledhura në vende të tjera demografia e të cilave dhe epidemitë e Covid-19 janë krejtësisht të ndryshme.
Përvoja izraelite nuk përputhet në mënyrë të përkryer me vendet e tjera që përdorin lloje të ndryshme vaksinash. Imuniteti nga Sars-CoV-2, megjithatë, është i njëjtë nëse jeni në Tel Aviv, Tokio ose Toronto.
Puna e vazhdueshme e Izraelit për të krijuar standardet e dozave të treta siguron një model udhëzues për vendet e tjera duke siguruar gjithashtu që ky të bëhet standardi global i vaksinimit për të gjithë, pavarësisht se ku jetojnë.
/abcnews.al
