Artur Meçollari në emisionin “360 Gradë” në ABC News, komentoi ceremoninë e zhvilluar këtë të enjte në Tiranë, për hapjen e Xhamisë së Namazgjasë.
Gjatë intervistës në studio, Meçollari u shpreh se Turqia mbetet një partner shumë i rëndësishëm i Shqipërisë.
“Pati një moment në lidhje në raporte me shtetin dhe fenë u prishën në ceremoni. Por mund të them që Turqia është një partner shumë i rëndësishëm pas SHBA në Shqipëri”, u shpreh Meçollari.
Gjithashtu Dritan Goxhaj, në studion e “360 Gradë” komentoi marrëdhëniet mes Shqipërisë dhe Turqisë.
Ai u shpreh se nga ana e këndvështrimit të tij ndihma që ka dhënë Turqia është simbolike
“Ndihma që ka dhënë Turqia është simbolike. Kemi një emergjencë të madhe, që prej 12 vitesh kemi repartin e helikopterëve ku aty kemi vetëm 3 helikopterë që operojnë. Turqia i ka të gjitha kapacitetet që t’u bënte shërbim”, tha Dritan Goxhaj.
/abcnews.al/
